von Michael Linder
Ech bän der gresst Nuojel em Sochsenlund
en bän als Giernuojel bekuunt.
Mech breuchten de Sachsen iweraul,
bäm Dachsteal um Heus, Scheer uch Schwengstaul,
um Huhnenbaulken uch än der Fierscht,
benetzt ihr mech det allerierscht.
Dro pält ihr un det Wengtschet
und de Keefer af ener, dro af der undern Set.
Ech bän nea verrost uch ault
mir äs wichtig der Zesummenhault.
Wichtig äs fiur mech de sachses Sproch
en under kit bämir net en Froch.
Wie det net gliewt,
saul mech schlon met dem Hummer aft Hift.